有個朋友近排對畫畫好有興趣, 最近報了不少繪畫課程, 知道我讀過下畫班, 所以有時會msn問我d 問題, 答多2次,我發覺點答都會激死我, 我腦入面既EQ同心理學課程係佢面前真係不堪一擊…
==============================
友M: 我報左粉彩班, 我究竟應該買乾粉彩定油粉彩呢?
我(……….報course個時你就應該問啦): 你打電話上去問啦,兩樣野完全唔同
M: (課程link) 應該係乾粉彩定油粉彩呢?
我: (看課程介紹, 此課程為…以….提高學員…總之就無提係用咩粉彩): 唔知
M: 乾粉彩同油粉彩有咩唔同?
我(差d想答, 停一停,諗一諗, 無論有咩分別都改變唔到個課程究竟要買乾粉彩定油粉彩, 決定裝死)
幾分鐘後
M:我見到乾粉彩好似貴d
我(何止貴d, 一全盒乾粉彩差唔多要過千, 不過唔通貴d你就會唔讀? 不過呢句我監生吞左, 再裝死, 好彩msn望唔樣 )
M:我驚今次開唔成班, 尋日報,今晚就截左申請
我:咁你都係打上去啦, 順便問埋
M:佢會通知
我(你究竟想知定唔想知呢, 打個電話就解決到既野點解要問個無厘關係既人呢,既然你perfer等又做乜要問呢? =_=
再一陣後
M:收到email通知開唔成班
我(謝天謝地, 問題解決)
===============================
M份人其實無咩野, 不過佢每次”問”我意見都會出事
明明有答案都要問到我答出佢心目中答案, 最抵死係答左佢既答案都仲要challenge番我轉頭
其實係咪反而我唔夠溫柔同關心呢?定係佢太婆媽呢
大家點睇?
這裏面有幾個層次。
如果(你認為)那人有心激你而你嬲，對常人來說我覺得是頗正常的。但如果你知道那人是無意的(可能只是他的性格問題)而你嬲，這可能真是你的問題了。因為那人根本不知道他激嬲咗你。
如果明知是人有心激你都可以做到唔嬲，那就是高層次的要求了。
M 應該是沒心的, 只係我的邏輯迴路比佢刺激得太犀利
Anthony, 有可能’M'係比較怕make decision, 但又不容易接受他人的意見. 有可能您不是他(她)心目中的軍司. 提議替他(她)找過一個令他(她)信賴的軍司吧!
Anthony, 替他(她)找個他(她)信賴的’軍司’吧!
呢個分析都幾arm
但係唔聽意見又唔make decision 咁即係點呢?
要我做白姐姐同顏聯武? 我淨係聽顏聯武d節目已經想死…
Anthony, 我身邊都有一個類似人物. 每次我比完意見, 她都會再問另一個人. 這樣我終於明白個中道理. 由她問完, 您答左佢咪算盡左朋友的義務. 何需咁介懷呢!
Hi, Anthony, 從我的角度，我完全看不出這位朋友有心要激嬲你，只不過有點猶豫不決，或者只是想找個話題和你說說話，選擇畫畫無疑是一個好的話題，至少是你感興趣的。
如何回答取決於你心目中和他/她的關係，如果你珍惜和他/她的關係的話，請用一些溫柔及較長的語句來回答，比如你就o甘答“唔知”，對方反而會有hard feeling, 特別是女性。當然如果你不珍惜（不重視）這個朋友，你的回答就已經很好了，只是不用生氣啦, 哈哈。
得,明白,我應該要有多d耐性
(edit)等等… 我應該即刻練習下
多謝Tracy你既意見, 咁敷衍自己朋友實在好唔應該既, 多d耐性傾多兩句又唔會好side昤間,而且
“錢,再賺就有了, 但是用錢買不到的東西(親情,友情,愛情….. 一點一滴都要好好珍惜, 不可以浪費”
明明自己上個post就講過…
haha, 其實這就是男性思維與女性思維的不同呀。女性思維的人（不一定是女性，也包括部分男性）問你一個問題，並不一定要得到solution, 只不過想和你分享一下自己的感受。男性思維的人卻覺得“你問得我，就是要solve個problem“。
Tracy, thanks for the secret!
我都同意M可能只係搵個覺得你會有興趣嘅話題嗲吓，無乜特別意思嘅。不過又有可能M崇拜咗你博學好耐想同你分享吓佢嘅進步囉。;p
點都好，我就唔覺得你或M有問題o勒。
不如諗吓，”無事常相見” 都係好事丫，Friends嘛!